Հասարակայնության հետ կապերի հայաստանյան ասոցիացիան և ՄԱԿ-ի մանկական հիմնադրամր շարունակում են իրենց համատեղ ծրագրերը և այս անգամ իրականացնում են «Երեխաների իրավունքները նորովի» կրթական և հանրային իրազեկման արշավ: Ծրագրի ընթացքում անց են կացվելու մրցույթներ «Երեխաների խնդիրների վերաբերյալ լավագույն լրագրողական նյութ» թեմայով`Հայաստանում գործող ԶԼՄ-ների ներկայացուցիչների համար, իսկ հայաստանյան հանրակրթական դպրոցների ուսուցիչների համար` երեխաների իրավունքներին նվիրված դասընթացի սցենարների մրցույթ:
2008 թվականի նոյեմբերի 20 ին` երեխաների համաշխարհային օրը տեղի կունենա մրցանակաբաշխություն:
«ԵՐԵԽԱՆԵՐԻ ԻՐԱՎՈՒՆՔՆԵՐԸ` ՆՈՐՈՎԻ»Մամուլի հաղորդագրություն
12.04.2008
04 դեկտեմբերի,2008 թ.
«ԵՐԵԽԱՆԵՐԻ ԻՐԱՎՈՒՆՔՆԵՐԸ` ՆՈՐՈՎԻ»
ծրագրի ամփոփիչ մրցանակաբաշխություն
Մամուլի հաղորդագրություն
«Հասարակայնության հետ կապերի հայաստանյան ասոցիացիա» ՀԿ-ն և ՄԱԿ-ի մանկական հիմնադրամը (UNICEF) 2008 թ. դեկտեմբերի 5-ին, ժամը 14:00-ին «Կոնգրես» հյուրանոցի «Պիկասո» սրահում կանցկացնեն «Երեխաների իրավունքները` նորովի» ծրագրի ամփոփիչ մրցանակաբաշխությունը:
Միջոցառմանը կներկայացվեն ծրագրի արդյունքները, մրցանակներ և պատվոգրեր կհանձնվեն մրցույթում հաղթած լրագրողներին և ուսուցիչներին։
Տեղեկանք
ՀԿՀԱ-ն և UNICEF-ը 2008 թ. հունիսից համատեղ իրականացնում են «Երեխաների իրավունքները` նորովի» կրթական արշավը, որի շրջանակներում կազմակերպվել են երեխաների խնդիրների վերաբերյալ լավագույն լրագրողական նյութի և երեխաների իրավունքներին նվիրված լավագույն դասաժամի սցենարի մրցույթներ:
Ներկայացնելով ծրագրի նպատակն և դրան հասնելու ուղիները, UNICEF-ի տեղեկատվության և հաղորդակցության ծրագրերի ղեկավար Էմիլ Սահակյանը կարևորում է հասարակության լայն զանգվածների ներգրավվումը երեխաների իրավունքների պաշտպանության գործընթացում: Նա նշում է լրատվամիջոցների և ուսուցիչների առանձնահատուկ դերը հասարակության իրազեկման գործում։
ԶԼՄ-ների դերը երեխաների խնդիրները հասարակությանը ներկայացնելու գործում անփոխարինելի է գնահատում «Հասարակայնության հետ կապերի հայաստանյան ասոցիացիայի» նախագահ Արա Սաղաթելյանը: Նրա ներկայացմամբ` նման ծրագրերը և մրցույթները խրախուսում են լրագրողներին, կրկին անգամ հասարակության ուշադրությունը բևեռում երեխաների իրավունքների վրա և շեշտում դրանց պաշտպանության կարևորությունը։
Երեխաների իրավունքներին նվիրված «Լավագույն դասաժամի» սցենարի մրցույթում հաղթող են ճանաչվել 5 ուսուցիչ Հայաստանի տարբեր մարզերից՝ Անահիտ Հովհաննիսյան (Արարատ), Գալինա Քոչարյան և Աստղիկ Ավետիսյանը (Լոռի), Սուսաննա Սարգսյանը (Սյունիք), Հասմիկ Ղուլյան (Երևան)։ Լրագրողական մրցույթում պրոֆեսիոնալ ժյուրիի կողմից հաղթող են ճանաչվել՝ «Ազատություն» ռադիոկայանի «Մաքս Լիբերթի» երիտասարդական ծրագիրը, էլեոնորա Ասլանյանը («Ռադիո Վան FM-103») Լուսինե Բուդաղյանը («Առավոտ» օրաթերթ), Panorama.am ցանցային լրատվամիջոցը։
Հասարակայնության հետ կապերի հայաստանյան ասոցիացիա
(374 10) 582561
Վերադառնալ
